درێژەی گرتن و بێ ئاگایی لە چارەنووسی خەبات ئێراندووست

دوو هەفتە بەسەر دەسبەسەرکرانی خوبات ئێراندووست، هاووڵاتییەکی شاری بوکان تێدەپەڕێت و هیچ زانیارییەک لەسەر چارەنووس و شوێنی بوونی نییە. بێ ئاگابوون لە چارەنووسی ئەم هاوڵاتیە نیگەرانی بنەماڵە و کەسوکاری زیاتر کردووە.

بە وتەی سەرچاوەیەکی ئاگادار، ئەم هاووڵاتییە کوردە، لە کاتی دەستبەسەرکردنیدا، لە چاوپێکەوتنی پارێزەر، پەیوەندی تەلەفۆنی و سەردانی بنەماڵەی بێبەش بووە.

ئەم سەرچاوە ئاگادارە زیادی کرد: تا ئێستا بەدواداچوونەکانی بنەماڵەی ئەم هاووڵاتییە بۆ زانینی چارەنووس و شوێنی مانەوەی سەرکەوتوو نەبوون.

خەبات ئێراندووست ڕۆژی چوارشەممە ١١ی مێهر ١٤٠٣ بە بێ فەرمانی دادگا لە شوێنی کارەکەی لە لایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە.

کاک ئیراندووست تەمەنی ٤٣ ساڵە، کوڕی عومەر، خێزاندارە و خاوەنی یەک منداڵە.

تا ئێستا هیچ زانیارییەکی ورد لەسەر هۆکاری دەستبەسەرکردن و تۆمەتەکانی ئەم هاووڵاتییە کوردە دەست نەکەوتووە.